Американскиот претседател Џо Бајден повика да му се суди на рускиот претседател Владимир Путин за воени злосторства направени во украинскиот град Буча.
„Видовте што се случило во Буча“, изјави Бајден и додаде дека „Путин е воен злосторник“.
Коментарите на Бајден следат откако украинскиот претседател Володимир Зеленски го посети градот Буча, каде се пронајдени масовни гробници од цивили.
Зеленски руската акција ја нарече „геноцид“ и повика Западот да примени построги мерки за Русија.
Меѓутоа, Бајден акцијата не ја означи како геноцид
„Мора да продолжиме да ја снабдуваме Украина со оружје потребно за борба. И мора да ги собереме сите докази за ова да биде документирано за да имаме судење за воени злосторства“, изјави Бајден, кој го опиша Путин како „брутален“.
