Индонезискиот остров Бали нема да биде отворен за туристи до крајот на годината поради загриженост околу заразата со COVID-19.
Властите во популарната туристичка дестинација соопштија дека веќе нема да биде дозволен влез за странски посетители бидејќи забележан е раст на бројот на случаи на коронавирус.
Ваквиот потег повторно предизвика загриженост за тоа какво ќе биде влијанието врз стопанството на островот кое е во голема мера зависно од туризмот.
Милиони странски туристи го посетуваат Бали секоја година, барајќи приватни плажи, уживајќи во глетката на оризовите полиња или барајќи мир во хиндуистичките храмови.
Меѓутоа, со доаѓањето на пандемијата, Индонезија ги затвори границите, како и многу други земји, за да го заштити своето население од коронавирусот.
Од крајот на јули, Бали се надева во домашните туристи за да ја спаси сезоната и најважната индустриска гранка.
Меѓутоа, хотелите и рестораните претрпеа огромни штети, а вработените во многу ресорти се вратија во нивните родни места за да најдат друга работа.
Бали има регистрирано 4.576 случаи на коронавирус и 52 смртни случаи. Во цела Индонезија има над 155.000 регистрирани заразени и најналку 6.759 смртни случаи, што е најголем број на жртви во пандемијата во Југоисточна Азија. Експертите сметаат дека има многу повеќе случаи, но дека се прават премалку тестови.