Марио Балотели е „100% сигурен“ дека неговиот фудаблски талент е на исто ниво со Роналдо и Меси, со тоа што тој „пропуштил некои прилики за денес да биде како нив“.
Италијанскиот напаѓач сега е член на турскиот прволигаш Адана Демирспор каде сезонава на 24 натпревари постигна 11 гола. Добрата форма му донесе и надеж за враќање во репрезентацијата откако селекторот Роберто Манчини јавно изјави дека размислува 31-годишниот Балотели да добие повик за баражот против Македонија на 24 месецов.
Тој вели дека најголемата грешка во кариерата му била тоа што си заминал од Манчестер Сити, каде на голема врата дојде од Интер летото 2010, веднаш по освојувањето на Лигата на шампионите. Но, во Сити остана 2 и пол години и во јануари 2013 се пресели во Милан.
„Дури и годината кога си заминав играв добро во Милани тоа година и пол, но после тоа имав некои проблеми. Сега како постар знам дека не требаше да го напуштам Сити. Гледајќи го Сити како напредуваше изминативе години, можев да бидам како Серхио Агуеро и тоа за долго време“, вели популарниот Супер Марио во интервју за британски The Athletic.
„Да бев во Сити веројатно ќе освоев една Златна топка, сигурен сум во тоа. Но, знаете како е, како што стареете така созревате, така да...“, додава.
После Милан имаш неуспешна авантура во Ливерпул. Се врати во форма настапувајќи за Ница, но повторно доживеа пад по што следуваа аватури во Марсеј, Бреша и Монца.
Балотели уште од времето во Интер кога како тинејџер претставуваше голема надеж се споредуваше со Роналдо и Меси, велејќи дека е добар колку нив. После 10 години сѐ уште е на тој став, но споредувајќи се по талентот за играње фудбал, не за достигнувањата.
„Јас сум 100% сигурен дека мојот квалитет е на исто ниво со Меси и Кристијано Роналдо, но јас... јас испуштив одредени прилики. Се случува“.
„Денес не можам да речам дека сим добар како Роналдо, бидејќи Роналдо освои многу Златни топки. Колку беа? 5? Не можам да се споредувам со Меси и Роанлдо, никој не може. Но, доколку зборуваме само за квалитет, фудбалски квалитет, тогаш немам зошто да им завидувам на нив двајца, да бидам искрен“, заврши тој.