Напаѓачот на Ница, Марио Балотели, зад себе има солидна сезона во Франција, во која потсети на својот голем потенцијал.
Ница со Балотели избори пласман во квалификациите во Лигата на шампионите, а италијанскиот напаѓач сезоната ја заврши со 15 голови постигнати на 23 натпревари.
Поради тоа француските новинари го прашале што е потребно да ја освои „Златната топка“. Контроверзниот напаѓач одговорил во свој стил.
„Што е потребно за да ја освојам „Златната топка“? Па, да ги убијам оние двајца“, рекол во шега Балотели, алудирајќи на Лионел Меси и Кристијано Роналдо, играчи кои доминираат во последните девет години.
„Мислам дека морав да направам повеќе во кариерата. Ова досега не е доволно“, дополнил Италијанецот.
Марио Балотели (26) минатото лето од Ливерпул пристигна во Ница. Во кариерата бил играч и на Манчестер Сити, односно Милан.