Македонскиот фудбалски репрезентативец Енис Барди се најде во идеалниот тим на колото во шпанската Ла Лига, откако синоќа го предводеше својот Леванте до бод на домашен терен против актуелниот шампион Атлетико.
Барди беше двоен стрелец во ремито од 2:2, биејќи прецизно од белата точка во 37. и 90. минута.
За македонскиот репрезентативец ова беа првите голови во новата сезона во која поради повреда пропушти шест прволигашки натпревари.
По 11 одиграни кола, Леванте е претпоследен на табелата со 6 нерешени и 5 порази пред следниот натпревар в понеделник против Гранада на домашен терен.
