Шампионот со Италија од 1982 година раскажува за неговото патешествие откако се заразил со коронавирусот.
Џузепе Бергоми, легендарниот италијански дефанзивец денес има 56 години и работи како тренер во академијата на Интер, клубот за кого настапуваше целата кариера. Покрај тоа, тој е и телевизиски коментатор на фудбалски натпревари. И тој, како и многу Италијанци, се заразил со COVID-19, но имал среќа да оздрави без последици. Сепак, она низ што поминал додека се борел со вирусот нема никогаш да го заборави.
На Instagram гостувањето кај Чичо Валенти, Бергоми ја сподели својата приказна.
„Значи, немав проблеми со дишењето, имав мала температура и ме болеше грбот. Направив магнетна резонанца, но немаше ништо. Потоа се појавија познатите проблеми со сетилата за мирис и вкус, по што ми се фатија двете нозе во долниот дел. Не можев ниту забите да си ги измијам“.
„Направив серолошки тест, покажа дека сум позитивен на ICG и негативен на IGM. На почетокот од март не бев добар петнаесетина дена, имав проблеми со чувството за мирис и со грбот, но не и со белите дробови“.
„Е сега, цела среќа што јас имав антитела, но ми објаснија дена тие не штитат 100 посто бидејќи вирусот мутира. Сепак, доколку треба повторно да се заразам, би ја одбрал полесната форма“
„Не ми беше страв. Но, цело време ми студеше, имав донесено две греалки. Мислев дека е грип, а потоа излегов позитивен. Пријателите ме зафркаваа и ми велеа дека премногу му ја мислам бидејќи живеам сам, но јас не бев добар, цело време имав болки, бев изнемоштен. Не можев ниту да седам од болката во грбот, па затоа бев цело време на нозе. Потоа ми велеа дека е подобро да не земам антиинфламатори“.
„По некое време болката ја снема, но сѐ траеше 20-25 дена. Сега сум топ, почнав и да трчам. Направив само серолошки тест, барав да ми земат и брис бидејќи сакав да бидам сигурен дека нема да заразам некој друг, но ми рекоа дека поминале 30 дена и нема потреба од такво нешто“.
„Бев будала, го потценив вирусот. На 21 февруари го имав последниот тренинг и едно од децата имаше пневмонија, па потоа повеќе не трениравме. На 21-ви бев во Неапол да го коментирам натпреварот со Браселона, потоа бев во Перуџа да го гледам дуелот со Беневенто. Според мене, ептен го потценив, бев во контакт со премногу луѓе“.
Бергоми како дефанзивец буквално целата кариера ја мина играјќи за Интер од 1979 до 1999 година настапувајќи на вкупно 756 натпревари на кои постигна 28 голови. Освои едно Скудето, една Копа Италија, една Суперкопа и 3 пати УЕФА Купот.
Со репрезентацијата на Италија како 18-годишен беше дел од одбраната која ги предводеше „Аѕурите“ до триумф на Мундијалот во Шпанија 1982 година. Играше и на Мундијалите во 1986, 1990 и 1998.