Во ММА натпревар организиран од рускиот Epic Fight Championship се соочија Григориј Чистјаков, тежок 240 килограми и Александра Степакова, која тежи околу 60 килограми. Во поголем дел од борбата очекувано доминираше Чистјаков, додека неговата противничка мака мачеше да остане во борбата, примајќи низа силни удари.
Степакова настојуваше да ги избегне серијата удари од нејзиниот противник потежок од неа 180 килограми. Во неколку наврати ја спаси судијата. Во еден момент беше удрена во грбот од присутни во публиката, но бизарната борба продолжи.
Степакова издржа три рунди и успеа да упати неколку добри удари, но победата му припадна на Чистјаков, по одлука на судиите.
ММА обожавателите се згрозени на социјалните мрежи.
„Рускиот ММА никогаш не престанува да шокира. Бизарно на секое ниво“, „Се борат против жена?“. „Што се случува со ММА во Русија?“, се дел од коментарите по оваа бизарна борба, која не е единствена од овој вид.
Пред неколку дена 75-годишниот Владимир Спартак и неговиот внук Биг Игибоб се бореа против 28-годишната Јулија Мишко во меч двајца против еден во кафез. Искусната Мишко издржа до крај, без потешки последици.
Инаку, во 2020 година Русинката Дарина Мадзјук го нокаутира 240 kg тешкиот Григориј Чистјаков и доби богат договор за повеќе меча. Но, обидот на Степакова за победа не успеа.
