Дали мислите дека совршениот човек треба да има уши од лилјак или торба за да носи млади како кенгур? Овој модел е сосема поинаков од она што секојдневно го гледаме како идеал за убавина и совршенство.
„Совршено човечко тело“ беше прикажано во емисија на BBC пред неколку години, а видеото сега повторно стана вирално. Во него е прикажана Алис Робертс, професорка по еволутивна биологија, која покажува модел на тело што е во завршна фаза. Фигурата беше наречена Alice 2.0, но публиката беше ужасната од она што го виде.
Големи зашилени уши, кристално чисти очи, слаби нозе и бебешка глава излезена од стомакот се дел од глетките што публиката можеше да ги види. Робертс рече дека тоа е „извонреден проект“ и дека е „возбудена што ги гледа конечните резултати“.
Еволуциски идеалниот човек треба да има уши од лилјак, поинаков облик на нозете, торба за носење млади и сосема поинаков рбет за полесно да носи тежина.
„Инспириран од кучиња, мачки, цефалоподи, риби, лебеди и шимпанза, мојот модел има подобро срце, со повеќе артерии од човечко суштество. Белите дробови се поефикасни, очи без дамки, уши кои подобро фаќаат звук, нозе кои се поефикасно и рептилска кожа која брзо реагира на блокирање на штетните ултравиолетови зраци“, објасни тогаш Алис.
Но, нејзината фигура на „совршеното човечко тело“ во публиката предизвика врисоци, смеа, па дури и одбивност. Многумина коментираа дека „изгледа како лик од 'Avatar'“.
Робертс објасни и што значи главата на бебето што ѝ излегува од стомакот.
„Бебето е најчудната работа, но во исто време е и многу слатко. Бебето е додадено за да се создаде идеја за породување без болка. Но, ми се чини дека тоа не се исплати, искрено“, заклучи Алис.