Еден од најтешките модели во областа на патничките автомобили изненади на т.н. тест за избегнување лос (moose test).
Шпанскиот вебсајт km// го донесе на тест BMW XM, првиот самостоен M модел, но и најтешкиот BMW во продажба со 2.800 кг. Тоа е „чудовиштето“ кое го привлекува вниманието со своите огромни димензии, но и со својата моќ. Сето тоа спакувано на четири тркала мора да биде и динамично убедливо.
Очекувано, XM падна на тестот за избегнување лос при 77 км/час. Не беа ништо подобри ни поспортските модели. Но, затоа XM ја заврши работата при 74 км/час, а тест-возачот нагласи дека и по губењето на влечната сила, XM се однесува многу предвидливо и никогаш не влегува во доменот на опасен маневар.
„Сè на сè, реакциите не се разликуваа многу од оние опишани во другите обиди: малку занесување, чисти и релативно брзи движења и високо чувство на сигурност“, изјавува водителот.
„Морам да признаам дека згрешив за првиот впечаток што го добив по првиот обид, реков дека ќе ми биде потешко да поминам меѓу конусите, но вистината е дека беше прилично лесно.“
XM се покажа особено во возењето во слалом. Тестната патека ја заврши за 22,9 секунди, што е побрзо од забележително помалиот и полесен Audi RS3 Sportback. Впрочем, може да се заклучи дека во однос на динамиката на возење, BMW не разочара.
