Слабеењето не е едноставен процес. Меѓутоа, со правилна исхрана и физичка активност, долгорочно може да се постигнат добри резултати. Затоа, треба да се знае што може да помогне за стимулирање на метаболизмот и работата на нашите црева.
Имено, лекарот и претседател на Одборот за лекари за одговорна медицина, Нил Барнард, открил дека боровинките се одличен начин за губење на вишокот килограми. Затоа истакнува дека ова овошје треба да се најде на сечија листа на намирници.
„Луѓето кои одлучуваат да јадат повеќе боровинки и да ги воведат во исхраната, губат тежина. Ако јадете боровинки за десерт, не јадете други слатки. Но, дури и ако не ги замените слатките со ова овошје, можете да почувствувате губење на тежината со нивно консумирање, а веруваме, затоа што се богати со растителни влакна“, рече докторот за време на гостувањето во една телевизиска емисија.
Покрај тоа што е нискокалорично, овошјето е полно и со антиоксиданси. Помага во согорувањето на мастите поради ефектите што може да ги има врз апетитот и метаболизмот. Меѓутоа, ако не сакате боровинки, можете да ги замените со малини, кои имаат слично дејство врз човечкото тело.
Генерално, дневниот внес на овошје и зеленчук е пожелен бидејќи не само што се нискокалорични производи кои се богати со витамини и други хранливи материи, туку се и храна богата со растителни влакна која помага да се одржи здравјето на вашите црева, туку и да ги изгубите вишокот килограми.
Сепак, добитна комбинација за постигнување идеален изглед секако е правилната и здрава исхрана и воведувањето дополнителни физички активности прилагодени на вашата здравствена состојба и возраст, кои ќе ве одржуваат во форма и откако ќе ги изгубите посакуваните килограми.
