Фудбал

Брегалница постави рекорд во Купот за највисока победа

20. август 2019 - 8:26 | Ф.З.

Вчерашната победа од неверојатни 22:0 над Ново Црнилиште е нов рекорд за највисока победа остварена во Купот на Македонија од 1992 година до денес.

Штипските сини синоќа немаа милост кон третолигашот Ново Црнилиште кој се чини сѐ уште е на летен распуст. Откако на полувреме водеа со 6:0, во вториот дел даваа голови во интервали од по неколку минути, а најдолгата пауза помеѓу два гола беше четири минути.

Дваесет и двата гола ги постигнаа:
14', 29', 61' Стојанчо Велинов
16' Анес Османоски
38', 42', 63', 78' Тони Мичковски
45'+1 Дарко Стојанов
46', 53', 57', 85', 87' Мартин Стојанов
52', 55' Благој Гуцев
59', 69', 76', 80' Иван Настевски
74' Јован Манев
84' Пепи Горгиев

Со вчерашниот натпревар беше отворена новата сезона во Купот на Македонија. Денеска на програмата се два натпревара, а утре десет.

Досега највисока куп победа беше онаа на Вардар од 16:1 остварена во сезоната 2003/04 над Пролетер во Прилеп.

Коментирај