Џанлуиџи Буфон имаше желба да биде дел од Мундијалот во Катар и одложувањето на пензијата сите го поврзуваа со овој светски собир. Сега, откако е јасно дека Италија нема да учествува, тој ги сподели своите мисли.
„Меритократијата е на моја страна, но не мислам дека ќе бев повикан. Има други работи кои имата предност и тоа мора да се почитува. Со иглед на изборот правен минативе години, тоа е правилно“, вели Буфон за La Stampa.
Популарниот Џиџи се повлече од репрезентацијата по неуспехот да се квалификува на претходниот Мундијал 2018 во Русија, но гаеше надежи дека ќе се врати во Катар, макар и како трет голман.
Тој има своја теорија за тоа што ѝ се случи на Италија, а почетокот на падот го лоцира на Мундијалот 2010 во Јужна Африка каде како актуелен шампион испадна во групата завршувајќи последна.
„Кога Словачка нѐ исфрли од Мундијалот во 2010 ми стана јасно дека работите се менуваат и дека требаше да славиме само дека сме се квалификувале. Оттогаш гаевме илузии, имавме моменти на слава како на Европските (2012 играа финале, 2020 го освоија), но не бев во право. Ние сме посебни, знаеме како да се држиме заедно во тешки моменти. Но, кога не сме супер-мотивирани, тогаш можеме да изгубиме од било кој“, додава.
Роберто Мначини седна на клупата по отказот на Џан Пјеро Вентура по фијаското за Русија 2018. Замина на ЕУРО, го освои, па го меркаше Мундијалот, а потоа прво се случи да го испушти првото место во квалификациската група, а потоа и пораз во баражот од Македонија среде Палермо.
„Манчини беше главниот архитект за нашата преобразба, со победата на ЕУРО. Но, тој исто така има одговорност за големиот удар кој сега се случи. Постојат многу начини да се доживее елиминација. Никој немаше да каже ништо доколку Италија испаднеше на пенали од Португалија, по после пораз од Македонија е многу потешко да се тргне од почеток“, заврши тој.
Буфон сега настапува за второлигашот Парма и со оглед на неучеството на Италија на претстојниот Мундијал сѐ погласни се гласините дека Буфон ќе замине во заслужена пензија.
