Фудбал

Буфон размислува да се врати во Јувентус

25. април 2019 - 20:00 | МИА

Италијанскиот фудбалски ветеран Џанлуиџи Буфон може да стави крај на својата кариера во текот на летото, откако откажа обновување на договорот со Пари Сен Жермен.

Славниот голман всушност размислува за предлогот да се врати во Јувентус, како директор.

Четириесет и едногодишниот голман потпиша со ПСЖ во текот на летото на 2018 година, откако стави крај на 17-годишниот престој во Торино.

На почетокот на оваа сезона ситуацијата изгледаше сосема поинаква, а тогаш самиот тој посочи дека би можел да продолжи да игра во клубот и наредната сезона.

Имајќи предвид како помина ПСЖ во Лигата на Шампионите (беше елиминиран од Манчестер Јунајтед во осминафиналето), најверојатно Џиџи се премислил.

Следната недела, агентот на голманот Силвано Мартина ќе биде во Париз и ќе ја разгледува ситуацијата на својот клиент со клубот. Ако Италијанецот одлучи да не го потпишува новиот договор или пак ПСЖ се откаже од опцијата да го продолжи сегашниот договор за уште една година, тогаш Џиџи ќе се врати во Јуве, за да биде дел од менаџментот на клубот.

– Поминав 9 месеци во еден волшебен град како Париз, кој ме поздрави и ми покажа многу љубов. Многу сум задоволен што го направив изборот да одам во ПСЖ. Сакав да доживеам нешто ново во фудбалот, да живеам во нов град. Морам да признаам дека ги постигнав овие цели. Научив француски и сега знам дека во иднина сето ова ќе ми помогне, изјави Буфон неодамна за клупскиот сајт.

Коментирај