Конечно, беше претставен првиот произведен примерок на моделот Centodieci, кој му оддава почит на легендарниот модел од 90-тите.
Токму EB110 го паметиме по истата нијанса на сино, но и многу детали кои сега повторно ги носи Centodieci.
Колку оваа автомобилска легенда е важна за Bugatti доволно говори и фактот што самата нијанса се нарекува EB110 Blue.
Не само што EB110 беше првиот модел во таа боја, туку и фабриката беше обоена во истата нијанса, па го доби прекарот „Fabricca Blu“.
Првиот Centodieci има уште една посебна карактеристика, а тоа се тркалата обоени во уште една историска нијанса, EB110 „Sport Silver“. Имено, истата комбинација на бои ја носи и EB110 GT, примерок од „ергелата“ на купувачи на овој примерок.
Интересно е што внатрешноста на автомобилот на многу начини ја следи спортската икона од 90-тите.
Модернизираниот ентериер се дизајнираше со недели, дури и месеци, а само „кроењето“ и изработката траеја дури 16 недели.
За потсетување, Centodieci е базиран на Chiron и го има истиот мотор 8.0 V16, но со 1600 КС.
До 100 стигнува за неверојатни 2,4 секунди, а максималната е ограничена на 380 km/h. Вкупно ќе бидат произведени само десет примероци.
