Хакан Чалханолу јасно стави до знаење дека сака да му честита на неговиот поранешен тим Милан за одличната кампања во Лигата на шампионите, и покрај тоа што „Росонерите“ беа исфрлени од ривалот и негов сегашен тим Интер во вторникот вечерта.
Турскиот интернационалец инсистираше на тоа дека и двата биле добри штом стигнале до последните четири од најпрестижното европско клупско натпреварување и дека и двата одиграле добро во вторникот, иако „Нераѕурите“ на крајот стигнаа до вкупна победа од 3:0.
„Честитки за Милан, и тие завршија добра работа. Беше тежок натпревар, завршивме добра работа. Многу сум среќен“, изјави тој за Mediaset по последниот судиски свиреж на „Меаца“.
Чалханолу, исто така, сакаше јасно да стави до знаење дека „минатото е минато“ и дека сè уште има добри односи со голем број негови поранешни соиграчи од времето поминато во Милан.
„Дербијата се секогаш тешки, за жал уште потешки за мене, но минатото е минато. Се согласувам со сите мои поранешни соиграчи, имам почит кон Малдини и Масара. Рики ми е сосед и секогаш се гледаме. Важно е што има почит“.
Турскиуот репрезентативец 4 сезони го носеше дресот ан Милан откако летото 2017 дојде од Баер Леверкузен. Но, летото 2021 година како слободен играч го направи големиот „грев“ преминувајќи во лутиот градски ривал Интер.
