Легендарниот шпански играч за врска и поранешен фудбалер на Барселона, а денес селекторот на катарскиот Ал Сад - Чави Ернандес - за Кевин де Брујне изјави дека тој е најдобриот играч за врска во светот, иако е сè уште релативно млад.
Чави рече дека Де Брујне за него изгледа како сосема поинаков играч во споредба со сите други.
„Кевин де Брујне од Манчестер Сити за мене изгледа како сосема поинаков свет за сите останати. Тој е одличен, способен да направи разлика во секое време, а за мене лично тој е најдобриот играч за врска во светот, иако е сè уште релативно млад", изјави Чави.
Исто така, Шпанецот мораше да одговори на прашањето кој е најдобар тренер во светот според него, а тој без размислување рече дека тоа е Пеп Гуардиола.
„Гуардиола, тој го смени фудбалот. Решен е да работи и има одлични идеи и лидерски способности“, рече Чави, додавајќи дека Вирхил ван Дајк во моментов е најдобриот дефанзивен играч на светот.
Чави во моментов е тренер на катарскиот Ал Сад, но последните денови сè повеќе се пишува за неговото враќање во Барселона, особено по новата разочарувачка сезона во овој каталонски клуб, кој загуби 16 шанси да се бори за титулата по 16 кола.