Претседателот на Европската фудбалска асоцијација (УЕФА), Александар Чеферин, проговори за проблемите со ВАР технологијата.
Тој зборуваше за системот ВАР на Европското првенство 2020 година и едвај забележителните офсајди.
„Гледаме ситуации во кои играчите се во линија, а се суди офсајд. Денес, ако имаш долг нос, влезен си во офсајд. Ќе видиме нацртани линии и конечна одлука, но кој ги црта тие линии? ВАР судиите, што значи дека повторно е субјективно и не можеме да бидеме стопроцентно сигурни во нивната точност. Затоа, нашиот предлог ќе биде да се направи толеранција за офсајд од 10-20 сантиметри“, изјави Чеферин.
Тој кажа и друг примери околу толкување на судиските одлуки.
-Правилото вели „намерно играње со рака“. Кој може да процени дали е намерно или не? Судиите не се психијатри... Пред две недели на гости ни беа дел од најдобрите европски тренери: Јирген Клоп, Јосеп Гвардиола, Масимилијано Алегри, Карло Анчелоти, Зинедин Зидан. Им пуштивме снимка од натпревар на кој е пресудена игра со рака. Судијата Роберто Розети ги праша дали имало или немало игра со рака. Половина од нив рекоа „да“, половина “не“. Па кажете ми колку се јасни правилата. Ништо не знаеме! – вели Чеферин.
ВАР не простува ни милиметар: Поништен хет-трикот на Марио Гомес
