Висок претставник на УЕФА не ја исклучи можноста Реал Мадрид, Манчестер Сити и Челси, три од 12-те клубови кои застанаа зад новата Супер лига, да бидат исфрлени од полуфиналето во тековната сезона во Лигата на шампиони, најавувајќи оти одлуката ќе биде донесена в петок.
„Клубовите мораат да заминат, а очекувам тоа да се случи в петок“, изјави попладнево членот на Извршниот комитет на УЕФА и претседател на Фудбалската федерација на Данска, Јеспер Мeлер.
„За петок е закажан вонреден состанок на Извршниот комитет, а тогаш мораме да одлучиме како ќе заврши сезоната“, додаде Молер во изјава за данската радио-телевизија DR
Во полуфиналето на Лигата на шампиони треба да играат ПСЖ - Манчестер Сити и Реал Мадрид - Челси.
Првите натпревари се закажани за 27 и 28 април, додека реваншите се на програмната на 4 и 5 мај.
Финалето треба да се игра на 29 мај на стадионот „Ататурк“ во Истанбул.
