Калциумот е есенцијален минерал важен за нашето здравје. Најчесто може да слушнеме дека млекото е негов главен извор, но тоа не е сосема точно. Дневната доза на калциум може да ја добиете и од други извори на храна.
Во овие четири намирници има најмногу калиум, потребен и за доброто функционирање на мускулите и нервите:
1. Семе од сусам
Семето од сусам е одличен извор на калциум, манган, цинк и бакар. Само 30 г дневно може да обезбеди 300 мг калциум. Секојдневното додавање сусам во салати или смути може да го намали ризикот од остеоартритис. Помага и во намалувањето на крвниот притисок и холестеролот.
2. Чиа семе
Само 45 г чиа семе дневно може да обезбеди иста количина калциум како и чаша млеко. На овој начин може да го сочувате здравјето на коските, забите и ноктите.
3. Зелен лиснат зеленчук
Лиснатиот зеленчук исто така е извор на калциум. Листовите се особено богати со овој минерал и треба да бидат дел од секојдневната исхрана. Со само 150 до 200 г зелен лиснат зеленчук може да обезбедите доволна количина калциум. Исто така, овој зеленчук е богат со железо, важно за создавање црвени крвни клетки.
4. Семе од афион
Семето од афион е особено богато со манган и калциум. Само 20 г од ова семе обезбедува 300 мг калциум. Богато е и со белковини и бакар. Секојдневната консумација помага телото подобро да ги искористи аминокиселините, мастите и јаглехидратите, но и ги одржува коските здрави.
