Новото месечно ажурирање донесе изненадување за фановите на Gran Turismo 7.
Станува збор за ажурирање 1.25, кое носи четири нови автомобили меѓу кои два Nissan, Mazda Roadster и Maserati Merak. Дополнително, на играчите им се достапни две нови локации за фотографирање.
Nissan GT-R NISMO GT3, Nissan Skyline 2000GT-R, Mazda Roadster NR-A и Maserati Merak SS пристигнаа во Gran Turismo 7. Додека трите автомобили беа дел од претходните Gran Turismo наслови, ова е прво појавување за класичниот Maserati. Merak СС има V6 мотор кој развива 218 КС.
Што се однесува до Mazda, тој не е обичен MX-5 од петтата генерација со налепници, туку станува збор за е спортски автомобил фокусиран на патеката со модификации што го прават подобар од фабричката верзија. Тие вклучуваат поголеми сопирачки, поголем радијатор, адаптивна Bilstein суспензија и многу повеќе.
Модифициран е и Nissan GT-R NISMO GT3 2018, зголемена е крутоста, сменети се радијаторите како и интеркулери за подобри перформанси.
Nissan Skyline 2000GT-R од 1973 година се враќа во франшизата, придвижуван од 6-цилиндричен мотор S20. Има дискови на сите четири тркала и беше пред своето време. Беа произведени само 197 примероци од оваа верзија, која сега е достапна за милиони играчи.