Иако секоја диета има свој пристап за слабеење, основите се генерално исти и вклучуваат намалување на калориите со зголемена физичка активност. Меѓутоа, во овој процес често се занемарува сонот, кој игра важна улога во слабеењето.
Лекарите често препорачуваат најмалку 7 часа спиење секоја вечер, но поради брзото темпо луѓето ширум светот спијат помалку. Сепак, спиењето е од суштинско значење за здравата функција на телото и може да влијае на вашите хормони, здравјето на цревата, процесот на складирање маснотии, па дури и на вашите способности за донесување одлуки.
Колку спиете влијае на производството на хормоните лептин и грелин во вашето тело. Лептинот е хормон кој вашето тело го ослободува за да ја зголеми вашата ситост или да го регулира внесот на храна и потрошувачката на енергија, помагајќи му на вашето тело да ја одржи тежината.
Ограничувањето на спиењето може да го намали нивото на лептин во телото. За возврат, вашиот апетит се зголемува, што може да предизвика прејадување бидејќи тогаш се зголемува нивото на грелин - хормон кој го зголемува чувството на глад. Недостатокот на сон може да го зголеми и нивото на кортизол во телото, хормон поврзан со стресот.
Зголемувањето на кортизолот предизвикано од ограничениот сон, исто така, може да влијае на тоа каде вашето тело складира масти. Во отсуство на сон, имате тенденција да складирате повеќе масти во пределот на стомакот.
Според студијата од септември 2019 година објавена во Journal of Lipid Research, дури и само неколку дена лишување од сон може да влијае на тоа како вашето тело складира масти од храната.
Исто како што вашата тежина може да биде под влијание на вашите хормони, така и губењето на тежината може да го попречи вашиот интестинален систем бидејќи игра голема улога во варењето и преработката на храната, лековите, хормоните и хемикалиите за мозокот.
Здравјето на цревата може да биде нарушено кај оние што се активни во текот на ноќта. Недостатокот на сон влијае на вашиот деноноќен ритам (внатрешниот часовник на вашето тело, кој го регулира вашиот сон) што може да ги оштети вашите црева.
Спиењето не само што може да влијае на вашите чувства на глад и ситост, туку може да влијае и на видот на храната што ја посакувате. Според една студија од 2016 година објавена во списанието Sleep, лишувањето од сон ги активира деловите од мозокот поврзани со мотивација и награда, што може да ја зголеми желбата, особено за нездрава храна.
Недостатокот на сон, исто така, негативно влијае на префронталниот кортекс на мозокот, кој е одговорен за контрола на импулсите и ви помага да донесувате подобри одлуки.