На вашиот организам подарете му малку витамински експлозив и тоа со вкусно јадење.
Потребни состојки:
- 800 гр филе од лосос
- 1 лажица сок од лимон
- 2-3 лажици маслиново масло
- 2 чешниња лук
- 1 дршка целер
- 2 лажици сечкан магдонос
- 100 гр варен ориз
- 1,5 литри вода
- 70 гр компири
- 100 гр алабаш (познато и како келераба)
- 20 гр корен од магдонос
- 25 гр корен од целер
- 50 гр моркови
- 1 лажица вегета
Подготовка:
Рибата добро измијте ја. Морковот, коренот од магдонос, алабашот и компирите исчистете ги и ставете ги во ладна вода да се варат. Кога зеленчукот ќе биде половично сварен, додајте ја рибата исечкана на помали парчиња, вегета, лук и стебленцата од целер. Гответе околу 20 минути додека рибата не омекне.
Извадете ја зготвената риба и исцедете ја чорбата. Варениот зеленчук исечкајте го на коцки. Во исцедената чорба додајте го исечканиот зеленчук, варениот ориз, маслиново масло и парчиња риба. Чорбата ставете ја на оган да се вари уште малку, додајте сол ако е потребно и додајте сок од лимон.
Послужете со попрскан магдонос во чиниите.
