Откако го отстранија навредливиот транспарент во Благоевград, активисти на Црвена младина сега во Скопје истакнаа транспарент со порака до бугарскиот европратеник со фашистички идеали, Ангел Џамбазки.
Контроверзниот европратеник, кој дури и во Европскиот парламент го има направено нацистичкиот поздрав, при отворањето на македонскиот културен клуб „Никола Вапцаров“ во Благоевград преку активисти од неговата партија испрати порака на мост истакнувајќи транспарент „Македонија е бугарска“ испишана на бугарски јазик.
Активистите на Црвена Младина, огранок на политичката партија Левица, го отстранија навредливиот транспарент, очигледно поставен за провокација.
Сега во Скопје стигна одговорот за Џамбазки кој го испратија активисти на Црвена младина на еден од градските мостови порачувајќи дека „ни Пиринска не е ваша, а не па Вардарска“.
„После отстранувањето на транспарентот во Благоевград од активисти на Црвена Младина на кој пишуваше 'Македонија е бугарска', денес нашите активисти испратија контра одговор до бугарскиот европратеник Ангел Џамбазки и неговите активисти.
'Ни Пиринска не е ваша, а не па Вардарска'“, стои во одговорот на Црвена младина.
