ПСЖ ја победи Барселона со 4:1 во првиот натпревар од осминафиналето во Лигата на шампиони. Килјан Мбапе постигна три гола и цел натпревар ја уништуваше и онака ранливата одбрана на Барселона.
Ни Жерард Пике, кој се врати по тримесечно отсуство поради повреда, не можеше да ѝ помогне на Барселона во одбраната.
Легендарниот Каталонец беше еден од полошите поединци во тимот на Роналд Куман, а успеа и да се скара со својот соиграч Антоан Гризман при резултат 1:1 во 40-тата минута.
Кавгата се случи додека Французинот напаѓаше од левата страна, а Пике им се дереше на соиграчите, особено на Гризман, кој не се враќаше доволно за да помогне во одбраната.
„Ајде барем еднаш да задржиме посед, побогу. Ова е пекол, е*ате. Ајде. Да задржиме топка барем еднаш, е*ате!“
„Смири се, престани да викаш“, му рече Гризман.
„Аман Гризи, аман“, му одговори Пике, на што Гризман одговори: „Е*и се“.
"Не, е*и се ти. И онака се мачиме веќе пет минути“, додаде Пике.
Потоа, Гризман му рече да не вика, а тука се вклучи и Клемен Ленгле, кој се обиде да ги смири и да организира одбрана при прекинот.
„Трчаме како луди, да му е*ам мајката“, не престана Пике, а Гризман додаде: „И јас трчам“.
