Бурниот пат до електрична мобилност носи промени што е тешко да се следат, а прашање е дали човештвото е подготвено за тоа.
Претседателот на Toyota Акио Тојода, е еден од луѓето кои не гледаат многу корист во форсирањето електрични автомобили.
„Ако сите автомобили во Јапонија беа електрични, ќе останевме без струја во текот на летото“, тврди тој.
Според него, за инфраструктурата што би била потребна за префрлање на сите возила на електричен погон, ќе бидат потребни инвестиции од 135 до 358 милијарди долари само во Јапонија.
„Кога велат политичарите, да се ослободиме од автомобилите со мотори со внатрешно согорување, дали тие се свесни што значи тоа? Деловниот модел на производителите на автомобили ќе пропадне.“
Тојода верува дека поради доминантните термоелектрани на јаглен и гас, загадувањето со јаглерод диоксид ќе биде многу поголемо кога на патиштата ќе се појави голем број електрични автомобили, пишува Wall Street Journal.
