Иако пиењето вода пред спиење спречува евентуална дехидрација во текот на ноќта, експертите објаснуваат дека оваа навика сепак повеќе би била штетна отколку корисна за здравјето, пишува Fox News.
Постојат неколку недостатоци од пиењето вода пред спиење, објаснува Амбер Диксон, нутриционистка и медицинска сестра од Чикаго, која предупредува за пиењето вода непосредно пред спиење.
Тоа може да предизвика проблеми со спиењето, но и да доведе до несоница.
„Кога се одморате, вашето тело произведува мелатонин, хормон што помага да се регулира циклусот на спиење и будност, како и биоритамот. Пиењето вода пред спиење му пречи на овој процес бидејќи го инхибира производството на мелатонин. На вашето тело му треба време да ја обработи течноста и потоа повторно да покрене циклуси на спиење и будење откако ќе испиете чаша вода пред спиење“, објаснува Диксон.
Со неа се сложува и Тара Кленци, специјалист за нарушувања во сонот. Советува пиење вода три часа пред спиење, потоа не.
„Пиењето вода пред спиење може да го наруши вашиот сон, но и да ве натера да одите во тоалет среде ноќ, што никако не е здраво за квалитетот на вашиот сон. Затоа, освен избегнување вода пред спиење, важно е да го ограничите внесувањето вода на половина чаша бидејќи сè друго е премногу, објаснува Тара.
Сепак, ако имате нарушувања во варењето на храната или ако почувствувате голема жед, подобро е да се напиете вода отколку телото да дехидрира.
„Колку и да е пиењето вода лошо за сонот, дехидрацијата е уште полоша“, вели таа.
