Легендарниот фудбалер на „Старата дама“, неповторливиот Дел Пјеро, смета дека Рома и Јувентус можат да поминат во полуфиналето од Лигата на шампионите, иако и двата италијански клуба имаат лоши резултати од првите натпревари.
„Старата дама“ во Торино пред само седум дена доживеа дебакл од Реал Мадрид, откако играчите на Јуве загубија со убедливи 0:3, додека „Волчицата“, од друга страна, претрпе тежок пораз на „Камп Ноу“ од Барселона со конечен резултат од 4:1.
„Јувентус и Рома се фантастични клубови и поминувањето во следната фаза е нешто што се уште е возможно. Се може да се случи дури и против големи екипи како Реал Мадрид и Барселона. Психолошкиот аспект и желбата за подобрување во вториот меч можат да бидат пресудни фактори. Меѓутоа, ќе биде тешко, но како Италијанец и голем Јувентино се надевам дека и двата клуба ќе поминат во полуфиналето од ЛШ“, изјави некогашниот капитен на Јувентус за RMC Sport.
Натпреварот помеѓу Рома и Барселона се игра вечерва, додека во Мадрид утре Реал ќе го пречека Јувентус.
