Откако синоќа Митјиланд, Краснодар и Салцбург ги пополнија последните три слободни места, УЕФА за денеска ја закажа жрепката за групната фаза која со нетрпение ја очекуваат сите учесници.
Во 17 часот во Женева, Швајцарија ќе почне жрепката за групната фаза од новата сезона во Лигата на шампионите, најквалитетното клупско натпреварување во светот. 32 екипи поделени во 4 барабани од по 8, ќе ја дознаат својата судбина.
Првиот барабан ги содржи победниците на Лига на шампиони и Лига Европа од минатата сезона, како и шампионите на Шпанија, Англија, Италија, Франција, Русија и Португалија, како земји со најдобри еврокоефициенти.
Останатите барабани се поделени според клупскиот коефициент на секоја екипа. Во иста група не може да се паднат два тима од иста држава.
