Рускиот претседател Владимир Путин денеска ќе се состане со белорускиот диктатор Александар Лукашенко за да разговара за Украина и за западните санкции, објавија новинските агенции во Русија и Белорусија.
Русија испрати десетици илјади војници во Украина на 24 февруари, и од руска и од белоруска територија, во „специјална воена операција“ чија цел е демилитаризација и „деназификација“ на соседната земја.
Украина и Западот го отфрлија како лажен изговор за инвазијата во која загинаа илјадници луѓе, раселени милиони, а фокусот сега е префрлен од пристапот кон Киев кон источна Украина каде се очекува голема офанзива.
Лукашенко вели дека неправедно е наречен „соучесник на агресорот“
Лукашенко инсистира Белорусија да биде вклучена во преговорите за решавање на конфликтот во Украина и тврди дека Белорусија неправедно е наречена „соучесник на агресорот“.
Сепак, Европската Унија, САД и други ја вклучија Белорусија во санкциите.
Лукашенко денеска пристигна во регионот Амр на далечниот исток на Русија, каде што треба да се сретне со Путин на космодромот Восточни.
12 април се слави во Русија и во некои други поранешни советски земји како Ден на космонаутите, со што се одбележува првиот вселенски лет со екипаж на советскиот космонаут Јуриј Гагарин во 1961 година.
