Десет илјади вакцини на Pfizer треба да пристигнат во земјава

Попладнево се очекува во земјава да пристигнат 10.000 вакцини на Pfizer, а исто толку се очекува да стигнат и на 26 април. Вакцините денеска со авион ќе стигнат во Софија, а попладнето со специјален транспорт ќе дојдат во Скопје.

Кон крајот на април ќе дојдат и 200.000 кинески вакцини, а вакцинирањето ќе продолжи по истиот систем како и досега односно по возрасни групи.

Во земјава досега се вакцинирани околу 35.000 граѓани, од кои околу 13.000 ја примиле вакцината на AstraZeneca, од која има уште 10.000 на располагање. Нешто помалку од три илјади има од руската Sputnik V и илјада од кинеските вакцини. Во СЦ „Борис Трајковски“ се вакцинираат граѓани на 73 и 74 години со поредуцирани термини од претходните денови, бидејќи често доаѓаат со придружба.

Министерот за здравство Венко Филипче пред неколку дена ја оцени како стабилна состојбата во болниците и рече дека нема некој голем и неконтролиран наплив на пациенти во сите јавно-здравствени установи во Скопје и во државата. Тој очекува во наредниот период бројот на хоспитализации да почне да се намалува.

Смета дека мерките даваат резултати, но потребно е максимално да се придржуваме до нив за да го надминеме и овој епидемиолошки бран.

Филипче рече дека граѓаните ќе можат да испитуваат антитела на товар на Фондот, но ќе бидат потребни одредени критериуми и нема да може тоа да го прави секој.

– Разговарав со директорот на Институтот и заклучивме дека, сепак, има индикации да се прават испитувања за антитела. Се договоривме, да се врати повторно одлуката да се прават тие испитувања на антитела на товар на Фондот во Институтот за биохемија, но под одредени критериуми, да не биде дека кој било може да го направи тоа испитување оти финансискиот товар е многу голем, истакна министерот.

Според вчерашните податоци на Министерството за здравство ковид центрите во болниците низ земјава е пријавено дека се лекуваат вкупно 986 пациенти позитивни и суспектни на корона вирусот, а во Скопје се лекуваат 702 ковид пациенти. Вкупната бројка на пациенти позитивни и суспектни на корона вирусот кои се лекуваат на инфективните оддели во главниот град и во болниците низ земјава е 1.688 и има околу 330 празни болнички кревети во ковид центрите.

Според вчера објавените податоците од Институтот за јавно здравје, регистрирани се нови 364 случаи на COVID-19 од направени 2.379 тестирања. Оздравеле 689 пациенти, а починале 24, од кои најмладиот е на 40-годишник од Скопје.

Вкупната бројка на ковид-дијагностицирани лица од почетокот на епидемијата изнесува 147.094, бројката на оздравени пациенти е 122.810, на починати е 4.443, а бројот на активни случаи изнесува 19.841. 

Тагови
реклама

Ги забележавте ли синоќа светлечките објекти на небото?

Read more

Четири хороскопски знаци на кои мај им носи среќа во љубовта

Read more

Безос го одреди датумот за патување во вселената

Read more

За да ја задоволи сопругата, Србин направи куќа која се врти

Read more

Македонија

Бочварски: Семејството на Верица Белчовска ќе добие стан во Струмица

Read more

Пендаровски: Не заговарам ревизија на судскиот процес, туку граѓанско помирување

Read more

Мицкоски по средбата со Пендаровски: Не барам амнестија, туку правда

Read more

Нови 234 случаи, 25 починати, најмладиот на 27 години

Read more
 

Вести

Бочварски: Семејството на Верица Белчовска ќе добие стан во Струмица

Читај повеќе

Пендаровски: Не заговарам ревизија на судскиот процес, туку граѓанско помирување

Читај повеќе

Мицкоски по средбата со Пендаровски: Не барам амнестија, туку правда

Читај повеќе

СЗО ја одобри вакцината Sinopharm за итна употреба

Читај повеќе

Две лица пронајдени мртви во семејниот дом во Скопје

Читај повеќе

Нови 234 случаи, 25 починати, најмладиот на 27 години

Читај повеќе

Во близина на мостот „Гемиџии“ во Велес извлечен човечки труп од Вардар

Читај повеќе

Во Грција од 14 мај со негативен ПЦР тест или со потврда за вакцинација

Читај повеќе

ЕМА го разгледува лекот сотровимаб како терапија против COVID-19

Читај повеќе