Бенфика во најголемото дерби на португалскиот фудбал го победи Порто со 1:0. Дербито го реши аргентинскиот ветеран, Анхел Ди Марија.
Единствениот гол на натпреварот беше постигнат во 68. минута кога Давид Нерес ја уфрли топката во шеснаесетникот, Ди Марија беше на вистинското место и се чини дека со малку среќа ја испрати во мрежата за конечни 1:0.
Порто го играше дербито со играч помалку од 19. минута, кога Фабиу Кардозу доби директен црвен картон поради опасен старт.
Бенфика е лидер со 18 бода, два помалку имаат Порто и Спортинг.
