Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) синоќа донесе одлука со која се изврши намалување на малопродажните цени на нафтените деривати во просек за 0,04% во однос на одлуката од 26.02.2024 година.
Референтните цени на нафтените деривати на светскиот пазар во споредба со претходната пресметка бележат зголемување во просек кај бензините 1,855%, кај дизелот намалување од 2,265%, кај екстра-лесното масло има намалување од 0,610% и кај мазутот зголемувањето е 1,611%.
Курсот на денарот во однос на доларот во изминатиот период по кој беа формирани цените со претходната пресметка е понизок 0,328%.
Од 05.03.2024 година од 0:01 часот максималните цени на нафтените деривати изнесуваат:
- моторен бензин Еуросупер БС-95 - 83,00 (денари/литар)
- моторен бензин Еуросупер БС-98 85,00 (денари/литар)
- дизел гориво Еуродизел БС (Д-Е V) - 77,00 (денари/литар)
- масло за горење Екстра лесно 1 (ЕЛ-1) - 75,50 (денари/литар)
- мазут М-1 НС - 43,752 (денари/килограм)
Малопродажната цена на Еуродизел (Д-Е V) е намалена 1,00 ден/л.
Малопродажната цена на екстра-лесното масло за домаќинство (ЕЛ-1) е намалена 0,50 ден/л.
Малопродажните цени на бензините Еуросупер БС-95 и Еуросупер БС-98 е зголемени 0,50 ден/л.
Малопродажната цена на мазутот М-1 НС е зголемена 0,409 ден/кг и сега изнесува 43,752 ден/кг.
„Напоменуваме дека ова се максималните цени на нафтените деривати од 0:01 часот на 05.03.2024 година. Трговците на големо и трговците на мало со нафтени деривати и горива за транспорт може да ги формираат цените на одделни нафтени деривати и горива за транспорт и пониско од највисоките утврдени цени“, велат од РКЕ.