Главните симптоми кај кои би можеле да укажат дека некое лице е заразено со COVID-19 се смениле, потврдија научниците.
Тие стравуваат дека Велика Британија ќе биде погодена со „застрашувачки“ нов бран оваа зима. Инфекциите со COVID-19 се зголемија за дури 72 проценти за еден месец во ОК, со просечни 176.090 нови симптоматски случаи дневно.
Иако претходно најчест симптом беше губењето на мирисот и вкусот, како и покачената температура, неодамна Британците најмногу се жалаат на болки во грлото, пренесува The Sun.
„Ковидот започнува со болки во грлото во две третини од потврдените случаи на инфекција, додека покачената температура и губењето на мирис и вкус сега се ретки - поради што многу постари луѓе не ни мислат дека имаат ковид. Велат дека е настинка, а потоа не се тестираат“, коментира професорот Тим Спектор, ко-основач на апликацијата Covid ZOE.
Вирологот Лоренс Јанг вели дека две варијанти на омикрон - BA.2.75.2 и BQ1.1 - покажуваат знаци дека можеби ќе можат да го „избегнат“ имунолошкиот систем.
Од друга страна, научниците од Кралскиот колеџ во Лондон открија дека инфекцијата со ковид може да предизвика имунолошки реакции кои ги оштетуваат нервните клетки во мозокот, предизвикувајќи проблеми со меморијата и конфузија, како и зголемување на ризикот од долгорочни здравствени проблеми.
Иако наодите се прелиминарни, тие сугерираат дека иако COVID-19 може да предизвика невролошки проблеми кај пациентите, самиот вирус не мора да го инфицира мозокот. Овој процес кој се одвива во мозокот може да предизвика состојба на делириум кај пациентите, но и да придонесе за „магла“ во мозокот и други проблеми кои ги имаат луѓето со долг ковид, пишува The Guardian.
„Овие невролошки симптоми се многу загрижувачки за пациентите и нивните семејства и се надеваме дека нашето истражување може да помогне да се утврди кои третмани би биле најсоодветни за намалување или спречување на овие симптоми“, изјави Кариме Паријанте, автор на студијата.
Истражувачите ја анализирале крвта на 36 хоспитализирани пациенти во првиот бран на пандемијата и откриле дека нивото на протеинот IL-6, кој имуните клетки го „ослободуваат“ како покана за собирање други имунолошки клетки, се повеќе од 15 пати повисоко од нормалното кај заразените лица.
Уште подраматично зголемување е забележано кај пациентите кои се во состојба на делириум, краткотрајна конфузија, а речиси една третина од пациентите примени во болница поради инфекција доживуваат делириум.
„Сметаме дека овие протеини се одговорни за симптомите на делириум кај пациенти со акутен COVID-19 и воопшто кај пациенти со долг ковид кои имаат невролошки симптоми“, заклучи Борсини.
„Откриваме дека вирусот се развива околу имунитетот што го создаваат вакцините или преку прележување“, објасни вирологот.