Зад нас е уште една одлична НБА ноќ, а и оваа ја одбележа неверојатниот словенечки кошаркар Лука Дончиќ, кој го предводеше Далас Маверикс до победата над Портланд Треил Блејзерс од 131:120.
Дончиќ беше незапирлив за Трејл Блејзерс и мечот го заврши со трипл-дабл учинок од 40 поени, 12 скока и 10 асистенции. Шутираше 15/28 од поле.
Треба да се каже дека за Дончиќ ова е осми натпревар со 40 или повеќе поени и трипл-дабл учинок во неговата НБА кариера. Најмногу такво има Оскар Робертсон (22).
Фасцинантна партија имаше и кошаркарот на Сакраменто Кингс, Киган Мареј, кој постигна неверојатни 12 тројки од 13 обиди во победата на неговиот тим над Јута Џез од 125:104. Мареј натпреварот го заврши со 47 поени и 8 скока.
Блескаше и Камерон Томас со 41 поен, што не беше доволно неговиот Бруклин Нетс да дојде до победа над Голден Стејт Вориорс. Вориорс победија со 124:120 со 37 поени на Стеф Кари.
Денвер Нагетс беа поразени на домашен терен од Оклахома Сити Тандер со 117:118, а Никола Јокиќ постигна 24 поени и подели 12 асистенции.
Вреди да се истакне и неверојатната игра на Жоел Ембиид, кој постигна 42 поена и забележа 15 скока во неверојатната победа на Филаделфија 76ерс над Шарлот Хорнетс од 135:82.
Резултати:
Милвоки Бакс - Детроит Пистонс 146:114
Шарлот Хорнетс - Филаделфија 76ерс 82:135
Кливленд Кавалирс - Атланта Хокс 127:119
Мајами Хит - Чикаго Булс 118:116
Минесота Тимбервулвс - Индијана Пејсерс 127:109
Голден Стејт Вориорс - Бруклин Нетс 124:120
Денвер Нагетс - Оклахома Сити Тнадер 117:118
Портланд Треил Блејзерс - Далас Маверикс 120:131
Сакраменто Кингс - Јута Џез 125:104
Лос Анџелес Клиперс - Њујорк Никс 144:122
Табела:
