Изминатово деноноќие се одиграа 8 натпревари во НБА лигата, а главни херои беа Лука Дончиќ и Кевин Дурент.
Далас гостуваше во Бостон и се чинеше дека домашната екипа ќе победи бидејќи на полувремето водеше со 47:38. Сепак, во вториот дел се разигра Дончиќ и на крајот му донесе триумф на својот тим со резултат 95:92.
Во самиот финиш на натпреварот најпрво погоди тројка за израмнување, а потоа му асистираше на Спенсер Динвиди за победа.
Одличниот Словенец натпреварот го заврши со 26 поени, 8 скока и 8 асистенции, додека на другата страна најдобар беше Џејсон Тејтум со 21 поен и 11 скока.
Бруклин го победи Њујорк во градското дерби благодарение на маестро Дурент.
Дурент натпреварот го заврши со дури 53 поени, 6 скока и 9 асистенции, а целата одговорност мораше да ја преземе на себе бидејќи Кајри Ирвинг сѐ уште не може да игра.
Ирвинг оваа сезона првпат беше на паркетот во Бруклин бидејќи градските власти дозволија невакцинирани гледачи да влезат во салата, но забраната сѐ уште важи за играчите и за сите останати на теренот.
По средбата, Дурант на прес-конференција го повика градоначалникот на Њујорк Ерик Адамс, велејќи му дека таквата одлука е смешна и го повика да му дозволи на Ирвинг да игра и натпревари.
Резултати:
Бруклин Нетс - Њујорк Никс 110:107
Детроит Пистонс - Лос Анџелес Клиперс 102:106
Бостон Селтикс - Далас Маверикс 92:95
Орландо Меџик - Филаделфија 76ерс 114:116
Атланта Хокс - Индијана Пејсерс 131:128
Њу Орлеанс Пеликанс - Хјустон Рокитс 130:105
Оклахома Сити Тандер - Мемфис Гризлис 118:125
Феникс Санс - Лос Анџелес Лејкерс 140:111
Табела: