Играчите на Далас и Денвер, Лука Дончиќ и Никола Јокиќ, продолжија со блескавите партии во најдобрата кошаркарска лига на светот.
Далас Маверикс го разби Портланд на гостински терен со убедливи 92:132, а во победата брилјираше сјајниот Лука Дончиќ.
Словенецот на паркетот беше само во првите три четвртини, а за тие 30 минути уфрли дури 37 поени со дури 8 реализирани тројки. Запиша и 7 скокови и 4 асистенции.
Јокиќ запиша нов, единаесетти трипл-дабл сезонава, но ни тоа не му помогна на неговиот Денвер Нагетс да стигне до победа против Њу Орлеанс Пеликанс.
Во поразот од 108:113 Јокиќ уфрли 29 поени со 10 скокови и исто толку асистенци. На спротивната страна Зион Вилиамсон и Брендон Ингам брилјираа постигнувајќи по 30 поени секој.
Резултати:
Мајами Хит - Индијана Пејсерс 106:109 прод.
Хјустон Рокитс - Оклахома Сити Тандер 112:114
Денвер Нагетс - Њу Орлеанс Пеликанс 108:113
Бостон Селтикс - Орландо Меџик 112:96
Бруклин Нетс - Вашингтон Визардс 113:106
Кливленд Кавалирс - Торонто Репторс 116:105
Детроит Пистонс - Чикаго Вулс 86:100
Њујорк Никс - Филаделфија 76ерс 100:101 прод.
Феникс Санс - Лос Анџелес Лејкерс 111:94
Портланд Треил Блејзерс - Далас Маверикс 92:132