Кошаркарите на бранителот Словенија доживеаја неочекувана и шокантна елиминација од Полска во четвртфиналето на ЕвроБаскетот, а сега се појавија и информации за наводен голем скандал, нешто што му кумувало на тој пораз.
Кога Полјаците со 90:87 ја победија и елиминираа Словенија во Берлин, низ целиот свет одекна веста за големото изненадување и расплаканиот Лука Дончиќ. Сега, два дена по завршувањето на ЕвроБаскетот, излегоа сериозни обвинувања според кои словенечките кошаркари натпреварот го играле со мамурни поради целоноќна пијанка.
Кошаркарскиот портал Bhbasket.ba излезе со ексклузивна информација од свои извори, што доколку се покаже како точна ќе предизвика голем скандал во словенечката кошарка.
„Од наши извори од Берлин дознаваме како репрезентативците на Словенија ноќта пред натпреварот со Полска имале пијанка за паметење. Пијанката завршила во 5 часот утреото. Мамурни од пијачките и јадењето потоа излегле на мегдан со 'напалената' и шутерски расположена Полска“, пишува порталот.
Засега нема реакција од КЗС, Кошаркарската федерација на Словенија.