Лука Дончиќ повторно беше незапирлив и уште еднаш му донесе победа на својот Далас. Одличниот словенечки плејмејкер имаше неверојатни 35 поени, 8 скока и 6 асистенции во драматичната победа над Торонто Репторс од 111:110 и практично сам им ја донесе победата на популарните Мавс.
Тимот од Тексас водеше со голема разлика, но во последната четвртина се најде во неволја бидејќи четвртиот дел од натпреварот го загуби со негатива од 14 поени, но на крајот сепак дојде до победата.
Спенсер Динвиди со 21 поен беше единствениот расположен за игра покрај Дончиќ, додека ОуЏи Ануноби со 27, Паскал Сјакам со 18 и Крис Бушер со 17 поени ги предводеа Канаѓаните.
Со оваа игра Дончиќ испиша историја бидејќи стана единствениот играч во историјата на НБА заедно со Вилт Чејмбрлејн кој постигнал над 30 поени на првите 8 натпревари од сезоната. Чејмбрлејн такво нешто направи прво во сезоната 1959/1960, па во 1962/1963 кога имаше дури 23 натпревари по ред со 30+ поени, а сега после цели 60 години Дончиќ го повтори тој учинок.
Чејмбрлејн деновиве многу се споменува поради играчи од овие простори, бидејќи неодамна еден од неговите рекорди собори Никола Јокиќ.
Резултати:
Детроит Пистонс - Кливленд Кавалирс 88:112
Индијана Пејсерс - Мајами Хит 101:99
Филаделфија 76ерс - Њујорк Никс 104:106
Вашингтон Визардс - Бруклин Нетс 86:128
Бостон Селтикс - Чикаго Булс 123:119
Мемфис Гризлис - Шарлот Хорнетс 130:99
Сан Антонио Спарс - Лос Анџелес Клиперс 106:113
Далас Маверикс - Торонто Репторс 111:110
Њу Орлеанс Пеликанс - Голден Стејт Вориорс 114:105
Минесота Тимбервулфс - Милвоки Бакс 102:115
Феникс Санс - Портланд Трејл Блејзерс 106:108
Лос Анџелес Лејкерс - Јута Џез 116:130
Табела: