Лука Дончиќ, асот на Далас Маверикс, и официјално е прогласен за најдобар стрелец на НБА во сезоната 2023/24.
Словенечкиот кошаркар има одлична сезона и се наоѓа во најтесниот круг на кандидати за најкорисен играч (МВП) во лигата.
Дончиќ имаше просек од 33,9 поени по натпревар. Тој шутираше 48,7 отсто од поле, 38,2 отсто од три и 78,6 отсто од белата точка.
Со 25 години тој е најмладиот добитник на оваа награда по Кевин Дурент во сезоната 2011/12.
Далас Маверикс завршија петти на Западот и во првата рунда од плеј-офот ќе играат со Лос Анџелес Клиперс.
