Можеби не знаете, но дождовницата е и тоа како добра за здравјето на вашите растенија. Затоа, на неколку места во дворот поставете балони за вода за да ја соберете дождовницата.
Ако одгледувате цвеќиња во саксии, најдобро е да ги полевате со дождовница или вода која долго време стоела во шише.
Никогаш не користете ладна вода од чешма за наводнување на растенијата бидејќи постои можност цветовите многу брзо да овенат. Ладната вода може да делува како шок за вашите растенија, па затоа заменете ја со дождовница што сте ја собрале на правилен начин.
Дождовницата не содржи бигор и затоа е многу поздрава за цвеќињата отколку водата од чешма. Во некои европски земји дури и е забрането градините во лето да се прскаат со вода за пиење, а се поттикнува развој на системи за собирање дождовница.
Ова исто така ви овозможува да заштедите дополнително. Познато е дека потрошувачката на вода е зголемена во летниот период, понекогаш и за 40% по домаќинство, додека некои домови често имаат проблем со губење или притисок.
Ова е дефинитивно одлична причина да размислите за користење на дождовница за наводнување на растенијата во градината. Доколку се одлучите на овој чекор уште подобро би било да набавите филтри за дождовница. Освен за наводнување на растенијата, дождовницата можете да ја користите и за миење автомобили (под услов да ја исчистите со филтер), за наводнување на градината, за перење на патеките и бетонот пред куќата.
Сѐ што треба да направите за да ја соберете дождовницата е на одредени места во дворот да поставите буриња или водени балони кои ќе се полнат со дождовница. По собирањето на водата потребно е да се прочисти со филтер.
