Во изминатата 2021 година како алва се продавале дресовите на „Баварците“, Роналдо го кренал Манчестер Јунајтед, а ПСЖ ни со Меси не успеал да забележи значителен напредок.
Според податоците на Euromerica Sport Marketing, фирма овластена од ФИФА, на пазарот на дресови лани најмногу му одело на минхенски Баерн кој продал дури 3,2 милиони дресови.
Втор е Реал Мадрид со 3 милиони, а потоа следуваат Ливерпул и Манчестер Јунајтед.
Јувентус е единствениот клуб од Калчо лигата во топ 10 со 1,42 милиони продадени дресови. Со заминувањето на Кристијано Роналдо кон крајот на август, се очекува Јувентус да забележи пад во оваа година. Затоа, пак, доаѓањето на Роналдо се почувствува во Манчестер Јунајтед кој и покрај слабите резултати на зелениот терен котира на високото 4. место кај дресовите.
И покрај доаѓањето на Лео Меси, ПСЖ е само 9-ти со продадени 1,180 милиони дресови. Но, се очекува пораст годинава.
Изненадување на листата е Борусија која очигледно и натаму профитира од Ерлинг Холанд, моментално името број еден во овој тим за кој цело време има шпекулации кога и каде ќе замине.
Меѓу водечките 10 ги нема гигантите како Интер, Милан, Тотенхем, Атлетико...
Топ 10 најголеми продавачи на дресови за 2021:
- Баерн (Германија), 3.250.000
- Реал Мадрид (Шпанија), 3.050.000
- Ливерпул (Англија), 2.450.000
- Манчестер Јунајтед (Англија), 1.950.000
- Јувентус (Италија), 1.420.000
- Барселона (Шпанија), 1.340.000
- Челси (Англија), 1.310.000
- Борусија (Германија), 1.222.000
- ПСЖ (Франција), 1.180.000
- Манчестер Сити (Англија), 1.087.000
