Пејачката Дуа Липа е позната по своите чести промени на имиџот, а особено е склона кон експериментирање кога станува збор за косата. Во последната кампања на брендот Versace, таа ја покажа најновата промена - комбинација на шишки со долга црвена коса.
Досега, таа имаше долга темна коса, носеше светки на доделувањето на наградите БРИТ, па дури и избелени плави прамени кои го врамуваа нејзиното лице. Но, последниот изглед на Дуа Липа е огромен пресврт во нова територија.
Пејачката е заштитно лице на најновата колекција на модната куќа Versace, а фотографиите покажуваат нов изглед со долга, права црвена коса и кратки шишки.
Како долгогодишен обожавател на брендот - Липа претходно во нејзините настапи носеше светкасти парчиња дизајнирани од Донатела Версаче, а можноста да биде нивно заштитно лице ја нарече „шанса што никогаш нема да ја заборави“.
Новите фотографии даваат поглед на косата на Липа, но и нови парчиња од колекцијата за есен 2021 година - торба и палто со дезен кој наликува на лавиринт, како и светложолт фустан и торба украсена со медуза.
Во неколку објави на Instagram, пејачката им се заблагодари на фотографите, но и на самата Донатела за искуството.
„Донатела, те сакам и многу се забавував додека ја правев оваа кампања со најневеројатниот тим“, напиша таа на првата од трите слики од новата кампања.