Како прилог со месото послужете грашок подготвен по француски рецепт.
Грашокот не спаѓа во комплицираните јадења, а неговиот вкус е фантастичен. Обично се подготвува во сос од домати со месо, но Французите ова јадење го подигнаа на повисоко ниво. Доколку сте љубители на грашок, мора да го пробате овој рецепт, бидејќи додаваат и зелена салата, а го готват во булјон, за кој Џејми Оливер рече дека е неопходно секогаш да се има во замрзнувач бидејќи го прави секое јадење повкусно.
Потребни состојки:
- 500 гр грашок
- 2 чешниња лук
- ½ виолетов кромид
- 4 млади кромитчиња
- 60 гр путер
- 1 чаша булјон од зеленчук
- малку зелена салата
- 1 гранче мајчина душица
- 1 гранче рузмарин
- сол
- бибер
Подготовка:
Во тавче растопете го путерот (40 гр), а потоа додадете толчен лук, ситно сечкан кромид, мајчина душица и рузмарин. Пропржете кратко, па додадете сечкана зелена салата. Промешајте и додадете грашок. Истурете го зеленчуковиот булјон и измешајте, па посолете и побиберете. Покријте и варете околу 10-15 минути. Сипете го грашокот во чинии, а потоа во истата тава растопете го преостанатиот путер и со него украсете го јадењето.