Шведскиот фудбалер Златан Ибрахимовиќ синоќа испиша историја во италијанската Серија А откако стана најстариот играч кој постигнал гол.
На натпреварот против Удинезе, Ибрахимовиќ најпрво промаши пенал, кој потоа го повтори, а во вториот обид 41-годишниот фудбалер беше успешен и погоди за 1:1, со што влезе во историјата на Серија А.
Имено, тој стана најстариот стрелец во ова натпреварување, а голот го постигна на 41 година и 166 дена. Претходно рекордот го држеше Алесандро Костакурта, кој се запиша во листата на најдобри стрелци кога имаше 41 година и 25 дена, во мај 2007 година.
Сепак, Милан на овој натпревар не се прослави и иако Ибрахимовиќ ги врати во игра, набрзо прими втор гол, а потоа и трет, со што загуби секоја шанса да избегне пораз.
По репрезентативната пауза во следното коло Милан ќе гостува кај Наполи, тим кој сигурно ќе ја освои шампионската титула.
Што се однесува до Ибрахимовиќ, иако неодамна се опорави од повредата која го оддалечи 9 месеци, тој ќе биде дел од репрезентацијата која ќе се обиде да се пласира на ЕУРО 2020. Шведскиот селектор Јане Андерсон го повика за квалификациските натпревари против Белгија и Азербејџан, што е само уште еден доказ дека тој е човек кој едноставно ги поместува границите.
