Вкусна и лесна есенска крем супа со одличен вкус.
Потребни состојки:
- 1 кг тиква
- јаболка
- жалфија
- маслиново масло
- сол, бибер
Начин на подготовка:
Излупете ги јаболката и тиквата, па исечкајте ги на парчиња. Ставете ги во тенџере и прелијте со вода, колку да се покрие содржината.
Покријте со капак и оставете да се вари на тивко.
Кога тиквата ќе почне да се распаѓа исклучете го шпоретот и испасирајте ја содржината. Ако ви изгледа премногу ретко, оставете да се повари додека водата не испари.
Додадете жалфија, сол и бибер, по вкус.
Во секоја чинија пред сервирање додадете лажичка маслиново масло.
