Федералната администрација за воздухопловство на САД (ФАА) нареди итни инспекција на авионите Boeing 777 откако во саботата делови од моторот на еден од тие авиони паднаа во близина на станбени згради во Колорадо, напиша на Twitter, директорот на ФАА, Стив Диксон.
Тој додаде дека ќе се врши контрола на моторите Pratt & Whitney PW4000, како и дека на авионите Boeing 777 им е забрането да летаат.
Делови од авион на United Airlines паднаа во предградие на Денвер, по што Boeing 777-200 беше принуден да се врати на аеродромот, бидејќи по полетувањето се запалил десниот мотор.
Во авионот имало 231 лице и 10 членови на екипаж, а сите патници биле пренесени на друг лет за Хаваи.
Локалната полиција објави фотографии на Twitter од делови што паднале покрај куќа, 40 километри северно од центарот на Денвер.
Идентичен инцидент се случи во саботата и во Холандија каде делови од товарен авион Boeing 747-400 паднаа во холандско село и повредиле жена и дете.