Социјалната мрежа Facebook ја активираше Safety Check процедурата за Брисел по денешните терористички напади во кои беа убиени најмалку 34 луѓе.
Станува збор за процедура што се активира за време на терористички напади и големи несреќи, со цел да се овозможи полесен контакт на корисниците со пријателите и родините кои се наоѓаат во близина на местото на настанот. Процедурата овозможува преглед на луѓето кои се означени дека се безбедни, односно означување за оние кои се надвор од опасност.
Safety Check беше активирана во Париз по ноемвриските напади, како и по нападите во Нигерија и Турција.
