Компанијата Facebook почна да ја тестира новата опција за заштита на профилните фотографии за да ја спречи злоупотребата на лични информации на корисниците.
Зачленувањето на социјалните мрежи не мора да значи откажување од вашата приватност. Покрај многуте опции со кои може да изберете кои ви се пријатели и кој сѐ може да ги гледа вашите објави и фотографии, Facebook сега работи и на уште еден сегмент на безбедноста.
Профилната фотографија е јавна, што значи дека преку пребарување, другите корисници на Facebook може да ја видат. Компанијата сега ја тестира опцијата да се заштити оваа фотографија од злоупотреба, односно да не може секој да ја земе и да ја користи за други цели.
Facebook моментално ја тестира новта опција во Индија. Таа ќе овозможи да ставите дополнителен слој заштита на вашата профилна фотка така што ќе кликнете и ќе одберете „turn on profile picture guard“.
Со активирање на оваа опција другите луѓе нема да можат да ја имнат, споделат или испратат вашата профилна фотка во порака на Facebook.
Луѓето со кои не сте пријатели на социјалната мрежа нема да можат да тагнат некого, вклучувајќи се себе, на вашата профилна фотографија.
На платформата Android може да се спречи некој да направи скриншот на вашата фотографија, а Facebook ќе стави сина рамка околу вашата профилна фотографија како визуелен приказ на оваа заштита.
Опцијата засега е ограничена на Индија, но од компанијата велат дека наскоро ќе ја понудат и во други земји.
