Кристијано Роналдо без сомнеж вреди за сите 118 милиони евра што Јувентус ги плати за него летото во 2018 година.
Има некои фудбалски фанови кои се сомневаа дека вреди да се плати толку за играч на 30-тина години, но Португалецот ја оправда сумата и е во одлична форма.
Иако деби сезоната во Јуве не му беше најсјајна (постигна „само“ 28 гола), сепак ѝ помогна на „Старата дама“ да се прослави во Серија А.
Пред пандемијата да ја прекине сезоната, Роналдо блескаше со 21 гол во 22 натпревари и 35-годишниот напаѓач не покажува знаци на забавување.
Сепак, некои фудбалски фанови секогаш ќе сакаат да се фаќаат за промашувањата наместо за победите, па така еден духовит фан на Барса направи компилација од „најдобрите вештини“ на Роналдо во дресот на Јуве.
На Роналдо и на навивачите на Јуве можеби нема да им се допадне ваквата шега, но вреди да погледнете дека и Роналдо на моменти сепак е само човек.
