Веста дека напаѓачот на „Топчиите“ ќе остане во Лондон барем до 2023 година е пречекана со големо олеснување кај навивачите на Арсенал.
Пјер-Емерик Обамејанг стави крај на шпекулациите кои го селеа од „Емирејтс“ откако денеска потпиша нов 3-годишен договор со Арсенал.
Габонскиот интернационалец имаше важечки договор кој му истекуваше во јуни наредната година и веќе неколку месеци немаше никаков напредок одолу продолжување на соработката.
„Навивачи на Арсенал! Конечно!! Само да знаете, штотуку го потпишав“, се обрати Обамејанг во живо од стадионот.
„Се чувствувам навистина добро тука, ова е голем ден и се надевам и вие уживате во него. Го потпишав договорот бидејќи сакам да станам легенда на Арсенал и можеби и да оставам трага тука. Треба многу да се сработи за да се стане легенда, знам, но ќе дадам сѐ од себе како и секогаш“, рече тој.
